Vendima manual en caixas de 15 kg. Despalillado e refrixerado da vendima a 8ºC durante o encubado. Maceración pelicular prefermentativa 48h a baixa temperatura e posterior fermentación a temperatura controlada de 25ºC. Remontados e bazuqueos diarios. O descubado realízase a 1000 puntos de densidade, seleccionando só o viño prensa pola súa maior concentración polifenólica para a posterior crianza en barrica, durante 9 meses en carballo francés de 220l. Estabilizado por frío e posterior filtrado por placas de celulosa para o embotellado.
Denominación de Orixe
Rías Baixas
Subzona de produción
Condado do Tea
Tipo de viño
Tinto Crianza en barrica
Crianzas
9 meses
Variedades:
Sousón, Pedral, Espadeiro e Caiño Tinto
Grao alcólico
12,2% Vol.
Acidez total
5,5
Presentación
Viñedo
Cata
Presentación
– Botella de vidro 0,75 l. 600gr. Bordelesa Cru.
– Tapón de cortiza natural 45×24 mm
– Lacre protector de cera natural de abella
– Caixa de cartón tintado en negro de 6 unidades
Viñedo
Emparrado tradicional e pérgola. En solos ácidos franco areosos de orixe granítico. A orientación dominante das microparcelas é Sur-Oeste e localízanse na contorna do val dos rios Tea e Miño dentro do concellos de As Neves e Salvaterra de Miño.
Cata
Capa media-alta de cor vermella amoratada. Destacan aromas a froitos bravos maduros e en marmelada; arandos, fatóns, sabugueiro e moras sobre un fondo especiado de pementa negra, noz moscada e xenebro. Matizan lixeiros torrados da crianza en madeira con aromas de cacao, manises, pan torrado, afumados e betume que lle aportan complexidade e elegancia o conxunto. A boca é intensa e saborosa, con boa acidez e persistencia. Sen aristas marcadas e moi agradable o paso.